Na un konferensia di prensa dia 29 di mei medionan di komunikashon lokal ta haña informashon tokante e eksposishon 'Herensia di Sklabitut' i e aktividatnan rondó di e eksposishon partikular akí.
Kurt Schoop, lider di proyekto i di 'Komishon Herensia di Sklabitut' ta konta kiko públiko por spera for di dia 1e di yüli na Landhuis Groot Santa Martha. Ta lansa tambe e website www.herensiadisklabitut.com.
Aki por haña informashon tokante e ekspsishon, e aktividatnan, material edukativo, e organisashonnan ku ta traha ku otro ets.

Sientífikonan di Suráfrika, Ghana, Sürnam, Hulanda, Gran Bretaña i Region Karibe ta topa entre 24 i 27 di ougùstùs (2008) pa papia tokante relashon di públiko ku su herensia di sklabitut. Esaki ta a base di e buki ‘Slavernijerfgoed in de etalage. De productie en consumptie van traumatisch erfgoed’ ku Valika Smeulders (*1969 Kòrsou) ta skibiendo i ku kua e ta bai doktorá na Erasmus Universiteit di Rotterdam.

‘The black Atlantic’ ta nòmber di e teritorio kaminda entre siglo dieshete i diesnuebe e komèrsio triángulo a tuma lugá. Ei ta kaminda a usa pa transportá plaka, katibu i merkansia entre Europa, Áfrika i Suramérika. Na tur dos banda di Oséano Atlántiko por haña hopi di e historia ei i awendia turismo ta trese hopi bishitante ku ta interesá den e historia akí /òf ku ke bin buska nan rais.
Valika Smeulders a investigá kon i kua patrimonio di sklabitut Kòrsou, Sürnam, Ghana i Suráfrika ta ofresé, ki klase di públiko ta interesá den esaki i kon públiko ta atendé ku e patrimonio akí. Kada pais ta reakshoná di forma diferente. Kua ta e diferensianan ei i kon por splika eseinan? Un parti di su investigashon ta dediká na e ekshibishon ku Felix de Rooy a monta: ‘De Erfenis van Slavernij/Herensia di Sklabitut’, ku públiko por a mira na 2006 na Kòrsou i e siguiente aña na Paramaribo. Tabata e mes ekshibishon antó, pero ku diferensia grandi den e presentashon i e efekto ku el a kousa serka públiko.
Sientífikonan di Suráfrika, Ghana, Sürnam, Hulanda, Gran Bretaña i Region Karibe ta topa entre 24 i 27 di ougùstùs (2008) na Kòrsou pa papia riba e investigashon di Valika Smeulders. Na Kòrsou nan lo hasi un bishita na sitionan di ‘patrimonio di sklabitut’ tambe.
Ta klousurá e konferensia ku un parti pa públiko dia 26 di ougùstùs, for di 18.00 serka NAAM. Valika Smeulders lo duna na papiamentu un resúmen kòrtiku di su investigashon. Despues di intermedio Alex van Stipriaan lo presentá e DVD ‘Back to the Roots’.
Ku ‘Back to the Roots’ artistanan mas hóben i di mas edat di desendensia Sürnam i Antiano kendenan a bai buska nan rais na Afrika Oksidental despues di a hasi investigashon di nan DNA, a sera nan proyekto na 2008.
NWO (Netherlands Organisation for Scientific Research) ta paga pa realisá e investigashon i prof. dr. Marlite Halbertsma i prof. dr. Alex van Stipriaan di Erasmus Universiteit di Rotterdam ta guia e trabou. Fundashon NAAM ta e organisadó lokal.

Pa mas informashon:
Fundashon NAAM
Johan van Walbeeckplein 13
Curaçao.
Tel. (5999) – 4621933/34
naamna@onenet.an
www: herensiadisklabitut.com


Participants Expert Meeting Willemstad Curaçao, August 24th-27th 2008

Luc Alofs MA, curator Historisch Museum, Archeologisch Museum, Aruba
Larry Armony, Brimstone Hill Fortress National Park, St Kitts
Alissandra Cummins MA, president of ICOM, director Barbados Museum & Historical Society, Barbados
Prof. dr. Marlite Halbertsma, Erasmus University Rotterdam, The Netherlands
Leo Helms, director Kura Hulanda Museum, Curaçao, Neth. Antilles
Lionel Janga, persident of the Board of Directors of NAAM, Curaçao, Neth. Antilles
Ada Korbee, @ADA Consultancy, Paramaribo, Surinam
Wayne Modest MA, director of the Museums of History and Etnography, Institute of Jamaica, Jamaica
Prof. Kwadwo Opoku-Agyemang PhD. Cape Coast University, Cape Coast, Ghana
Prof. Ciraj Rassool PhD., University of the Western Cape, Cape Town, South Africa
Felix de Rooy MA, curator Landhuis Savonet, Curaçao, Neth. Antilles
Dr. René Rosalia, director Kas di Kultura, Curaçao, Neth. Antilles
Nigel Sadler MA, Sands of Time Consultancy, London, U.K.
Valika Smeulders MA, Erasmus University Rotterdam, The Netherlands
Prof. dr. Alex van Stipriaan, Erasmus University Rotterdam/Royal Tropical Institute Amsterdam, The Netherlands
Ieteke Witteveen MA, director Nationaal Archeologisch Antropologisch Memory Management (NAAM), Curaçao