|
|
 |
Un Aserkamentu Nobo
Ku demasiado regularidat, kontrali na loke tin bisá anteriormente, ta papia tokante kombatimentu di pobresa. Fundashon ERA NOBO ta boga pa mehorá kalidat di bida di habitantenan di Kòrsou. E meta final di ERA NOBO ta promové situashon di biba di habitantenan dje isla. Serka ERA NOBO pues ta e Kalidat di Bida ta importante.
E nòmber ERA NOBO ta indiká sin lugá na duda, ku e fundashon komo e bejamin riba e tereno akí, ta para pa un aserkamentu nobo i fresku; un otro manera pa atendé e problemátika. E aserkamentu akí ta basá riba un vishon integral i unánime dirigí riba un desaroyo duradero di Kòrsou. Drenta konhuntamente un kaminda nobo pa yega na un sosiedat salú den tur sentido.
Pesei a skohe di un banda pa proyektonan salí for di e tema sentral Edukashon (edukashon guia den kualke forma ku ta, kurso i entrenamentu, enseñansa regular òf no regular, etc.) ku na un manera konkreto ta duna aporte na formashon di tantu mayor komo e mucha, pa sostené e enfoke riba: famia komo pilá di nos komunidat.
Di otro banda e fundashon ta karga e proyektonan, ku ta mehorá kalidat di bida di grandinan (60+), pegá na su kurason. Nan tambe ta forma parti di e grupo lubidá ora ta trata kalidat di bida.
Den kuadro di un aserkamentu nobo, ERA NOBO ta mantené e lema ku enbes di introdusí inisiativanan nobo pa logra su meta, mas tantu posibel e lo sostené inisiativanan eksistente positivo for di komunidat, ku ya kaba ta kanando bon (bottom-up-approach) - aunke ta riba skala chikí. Esaki ku e meta pa kaminda ta posibel apliká e inisiativanan riba un skala mas amplio, sea pa trese nan mas serka e siudadano (aserkamentu dirigí riba bario), òf pa oumentá aksesibilidat. TRAHA DEN KOPERASHON KU OTRO INSTANSIA I PERSONANAN AKI PUES TA EVIDENTE I KRUSIAL.
FUNDASHON ERA NOBO
Direktor U.L. Wieske
Gaitoweg 1
Tel. 7384844
Fax. 7384840
E-mail: info@fundashoneranobo.org
|
|
|
|